獨居姥人的緣起

獨居姥人是一個土生土長的香港女子, 跟時下很多年青人一樣, 遇上一樣的煩惱, 如：未婚、月光族 (每月所餘無幾)、與家人同住等等。  有感年紀漸長, 近年樓價持續上升而港元購買力卻大不如前, 生怕在銀行戶口僅餘的積蓄, 最終敵不過時間的洗禮, 失去其原有價值, 還是拿拿淋入市買磚頭去保值才是上策。


原本陪家人睇樓的我偶然發現「自己杯茶」, 於是無心插柳下做了業主。  又本來孤寒的我打算先把它租出, 由別人替我供樓, 自己仍舊痴住父母住, 直到結婚才搬走, 可惜父母的新居面積有限, 而且他們又有新發展, 我又怎能厚顏賴死做菠蘿雞呢?


所以.............我快將成為獨居姥人, 提早自立, 學下點樣 "好好" 照顧自己喇!  祝願自己, 也為自己好好打氣, 加油!!!!


好啦.......講左o甘耐, 等我介紹「我杯茶」過你識啦, 哈哈.............見圖, 就是它!  我未來好多年o既投資希望啊!